Í mjög svekkjandi fréttum fyrir marga aðdáendur fótbolta hermis seríunnar Football Manager þá hafa SEGA og SI Games ákveðið að aflýsa útgáfu Football Manager 25 á PC/Mac/Linux og helstu aðrar leikjavélar sem hann átti að koma út fyrir.
Þetta er í fyrsta skiptið síðan árið 2004 að serían sleppir heilu fótbolta tímabils ári. Þegar það gerðist síðast voru SI Games að færa sig frá Championship Manager nafninu yfir til Football Manager, eftir að slitnaði upp úr samstarfi þeirra við útgefandann Eidos.
Sports Interactive hafði talað um að Football Manager 2025 yrði stærsta stökk seríunnar síðan að Football Manager 2005 kom út árið 2004. Yfirfærslan yfir í Unity grafíkvélina átti að ýta seríunni áfram og boða nýja tíma fyrir leikja seríu sem oft var gert grín af að væri í raun „Fótbolti í Excel skjali.“
Sega Sammy Holdins voru með fjárfesta kynningu á föstudags morgun í Japan þar sem þessar fréttir komu fram. Fyrir vikið hefur samstæðan lækkað niður fjárhagstölur fyrir árið og fært tap afskriftir vegna leiksins í bókhald þess.
FM 25 hafði verið frestað tvisar fram að þessu og átti upprunalega að koma út í Nóvember í fyrra.
„Fyrir ykkur sem forpöntuðuð FM25, þökkum við ykkur innilega fyrir traust og stuðning – okkur þykir mjög leitt að valda vonbrigðum,“ sagði Sports Interactive. Endurgreiðslur verða í boði.
„Við vitum að þetta mun vera mikil vonbrigði, sérstaklega þar sem útgáfudagurinn hefur þegar verið færður tvisvar, og þið hafið beðið spennt eftir fyrstu spilunarsýnishornunum. Við getum aðeins beðist afsökunar á þeim tíma sem það tók að koma þessari ákvörðun á framfæri. Vegna samræmis við hagaðila, þar á meðal lagalegra og fjárhagslegra reglugerða, var þetta fyrsti mögulegi dagurinn sem við gátum gefið út þessa yfirlýsingu.
„Við höfum alltaf verið stolt af því að skila bestu mögulegu verðmæti fyrir peningana ykkar, með leikjum sem veita óteljandi klukkutíma af ánægju og eru hverrar krónu virði. Með útgáfu FM25 settum við okkur markmið um að skapa stærstu tæknilegu og sjónrænu framfarir seríunnar í heila kynslóð, og leggja grunninn að nýju tímabili.
„Vegna ýmissa áskorana sem við höfum verið opinská um hingað til, og margra fleiri ófyrirséðra, höfum við ekki náð því sem við ætluðum okkur í nægilega mörgum þáttum leiksins, þrátt fyrir ótrúlega vinnu teymisins okkar. Hver ákvörðun um að seinka útgáfu var tekin með það í huga að færa leikinn nær þeim gæðastaðli sem við stefndum að, en þegar við nálguðumst mikilvæg tímamót um áramótin varð ljóst að við myndum ekki ná viðeigandi gæðum, jafnvel með aðlagaðan tímaáætlun.
„Þó að margir þættir leiksins hafi náð markmiðum okkar, þá er heildarspilunarupplifunin og viðmótið ekki þar sem það þarf að vera. Ítarleg greining, þar á meðal prófanir með spilurum, hefur sýnt okkur að við erum á réttri braut með nýja stefnu leiksins, en við erum enn of langt frá þeim staðli sem þið eigið skilið.
„Við hefðum getað haldið áfram, gefið út FM25 í núverandi ástandi og lagað hluti síðar – en það hefði ekki verið rétt ákvörðun. Við vorum einnig ófús til að fara fram yfir marsútgáfu, þar sem það væri of seint á knattspyrnutímabilinu til að búast við að leikmenn myndu síðan kaupa annan leik seinna á árinu.
„Með þessari niðurfellingu er öll orka okkar nú sett í að tryggja að næsta útgáfa nái okkar markmiði og þeim gæðaviðmiðum sem við öll búumst við. Við munum uppfæra ykkur um framvindu þessa eins fljótt og við getum.
„Takk fyrir að lesa þetta, fyrir þolinmæðina og áframhaldandi stuðning ykkar. Allur okkar fókus er nú á að skapa nýtt tímabil fyrir Football Manager.“
Það er vonandi að þessar slæmu fréttir sem þó eru, munu reynast verða góðar til framtíðar og útgáfa Football Manager 26 næsta vetur muni reynast SI Games og SEGA vel heppnað og leikmenn muni fái enn betri og byltingakenndari útgáfu en stóð áður til að gera.
Heimild: IGN