PS5 Pro uppfærslulistinn stækkar

Listinn yfir tölvuleiki sem munu styðja við PS5 Pro leikjavél Sony heldur áfram að vaxa. Uppfærða útgáfan af PlayStation 5 á að koma í næstu viku þann 7. nóvember og ætti að skila sér til Íslands í kringum 11. nóvember í síðasta lagi.

Hvað PS5 Pro inniheldur yfir venjulega PlayStation 5 er hægt að lesa nánar um hérna. Bjarki okkar skrifaði eimmit í þeirri frétt

„Með tilkomu PlayStation 5 Pro opnast á þann möguleika að geta keyrt leiki í fullum gæðum og með viðunandi rammafjölda á sama tíma, svo spilarar þurfa þá ekki að velja á milli þessara tveggja stillinga. Þetta er gerlegt með PlayStation 5 Pro sem inniheldur krafmeiri örgjörva en upprunalega PlayStation 5 leikjatölvan. Auk þess styðst tölvan við betri og uppfærða Ray Tracing tækni sem auðveldar endurspeglun og endurkast í leikjum ásamt uppskölun sem styðst við gervigreindartækni.“

Listinn yfir leiki sem styðja aukinn kraft PS5 Pro vélarinnar og þeim nýjungum sem Sony hefur bætt við hana er komin upp í 80 leiki og ætti sú tala að hækka meira á næstu dögum þegar nær dregur útgáfunni.

Fjöldi leikja hefur verið að fá uppfærslur upp á síðkastið og sjást núna á PSN búðinni eða á skjáborði PS5 vélarinnar skarta nýju PS5 Pro enchanced merki.

Hvað þetta allt mun þýða á eftir að skýrast fullkomnlega, sumir leikjaframleiðendur hafa sýnt myndbrot af leikjum þeirra keyrandi á PS5 Pro eins og Alan Wake 2. Sem mun innihalda Ray Tracing tæknina

Hérna fyrir neðan er listinn sem er komin eins og er: