Daníel Rósinkrans, Sveinn Aðalsteinn, Bjarki Þór og Unnur Sól fara yfir það helsta úr heimi tölvuleikja í fimmtugasta þætti Leikjavarpsins! Í þættinum er kafað í The Legend of Zelda: Echoes of Wisdom og skipst á skoðunum – athugið að umræðan er laus við alla spilla! Unnur Sól gagnrýndi leikinn og gaf leiknum fjórar og hálfa stjörnu af fimm mögulegum, hægt er að lesa leikjarýnina í heild sinni hér á Nörd Norðursins.
Einnig er farið yfir valin atriði úr Xbox Partner Preview þar sem Xbox og þeirra samstarfsaðilar kynna væntanlega leiki á Xbox leikjatölvurnar – þar má m.a. nefna Subnautica 2.