Hvað er „fandom“?
AÐSEND GREIN: BJÖRN FRIÐGEIR BJÖRNSSON
Í raun má þýða það sem „aðdáendahóp“ en hugtakið er fyrst og fremst notað yfir aðdáendur furðusagna. En hvað gera fandom hópar? Stærst og eftirtektarverðast eru ráðstefnurnar, sem geta verið risasamkomur reknar í hagnaði þar sem allt að hundrað þúsund manns koma saman í geysistórum sýningarhöllum til að skoða dót, kaupa bækur og borga fyrir að hlusta á og hitta frægt fólk, niður í fámenna hittinga þar sem fólk hittist til að spjalla hvert við annað og í millistærðinni, bókmenntasamkomur þar sem pallborðsumræður eru ríkjandi á daginn en spjallið – og stöku öl – ræður ríkjum eftir að hefðbundinni dagskrá lýkur.
Í „fandom“ er mikil sköpunargleði ríkjandi og margt fólk finnur henni farveg í glæsilegum búningum persóna úr kvikmyndum, sjónvarpsþáttum, teiknimyndasögum, nú eða bara lýsingum í bókum.
Eitt sem þessar ráðstefnur hafa nær allar sameiginlegt, óháð stærð, eru uppábúnir aðdáendur. Í „fandom“ er mikil sköpunargleði ríkjandi og margt fólk finnur henni farveg í glæsilegum búningum persóna úr kvikmyndum, sjónvarpsþáttum, teiknimyndasögum, nú eða bara lýsingum í bókum. Búningakeppnir eru víða og oftast lifir fólk sig vel inn í persónuna, enda callast þetta cosplay á ensku, búningaleikur.
Fanfiction, eða aðdáendasögur, eru sögur þar sem aðdáendur skrifa sögurnar um persónurnar sem þau vildu sjá gerast en hafa ekki gerst. Þetta er ein elsta grein fandom, en fyrstu hóparnir sem kalla má hluta af því spruttu upp í kringum Sherlock Holmes og fyrstu aðdáendasögurnar komu þá.
Eitt af því sem oft var sleppt í almennum furðusögum voru samkynja ástarsambönd og aðdáendasögur fylltu það gat. Nafnið á því er á íslensku skásaga, eða á ensku slash, og er fengið úr fyrstu sögunum um samband Kirk og Spock í Star Trek, sem voru þá merktar Kirk/Spock.
Skásögur lifa enn góðu lífi í dag, en aðdáendasögur eru mikið meira en bara um ást og kynlíf (sem er jú annar þáttur sem oft er minna opinskár í furðusögum hvort sem er í hreyfimyndum eða á bók), heldur eru til sögur sem væru útgefnar heilu doðrantarnir af því að aðdáendur líta persónurnar aðeins öðrum augum en skaparinn og vilja sjá ævintýri þeirra á annan veg.
En aftur að byrjuninni: Fandom? Það er hópur aðdáenda? Og hvað gera aðdáendahópar? Þau hittast til að skemmta sér og öðrum með því að tengjast yfir sameiginlegu áhugamáli. Og í aðdáendahópi furðusagna virðist vera óvenju mikil sköpunargleði og þessi hópur nýtur góðs af því.
Þú hefur kannski áhuga á þessu...
Mandalorian spottaður við eldgosið í Fagradalsfjalli! →
Svona var stemningin á Midgard 2019 →
Það helsta sem þú þarft að vita fyrir Midgard 2019! →
