Leikjarýni: Wipeout Omega Collection – Hraðinn er óbærilegur
Samantekt: Eftir að hafa spilað Wipeout þá finnur maður að hraðinn er ávanabindandi! Skyldukaup fyrir aðdáendur seríunnar.
4
Hraður!
Wipeout er loksins kominn á PS4 en þó í formi safns af endurbættum útgáfum af eldri Wipeout leikjum: Wipeout HD, viðbótinni Wipeout Fury (PS3) og Wipeout 2048 (PS Vita). Í þokkabót eru Wipeout HD og Fury endurbættar útgáfur af Wipeout Pure og Pulse sem komu út á PSP á sínum tíma og Pulse var seinna eingöngu gefinn út fyrir PS2 í Evrópu.
Wipeout er kappakstursleikur sem gerist í framtíðinni í heimi þar sem mannkynið hefur þróað tækni sem gerir farartækjum kleift að svífa um á ógnarhraða á sérhönnuðum brautum. HD og Fury gerast árið 2197 og ári síðar. Wipeout 2048 gerist á undan öllum Wipeout leikjunum í seríunni og þar er enn verið að vinna í því að búa til sumar af þessum þekktum brautum. Flestar brautirnar í þeim leik eru inní borgum þar sem margar leiðir er hægt að fara og allt er mjög ruglandi í litagleðinni. Keppendur geta líka nælt sér í vopn eða skildi sem eru merkt sem ljós á brautinni sjálfri. Einnig eru örvar sem gefa keppendum auka hraða í smá stund.
Leikirnir þrír eru með aragrúa af mismunandi brautum, flaugum og þrautum.
Leikirnir þrír eru með aragrúa af mismunandi brautum, flaugum og þrautum. Þrautirnar samanstanda af venjulegum kappakstri með eða án vopna, tímaþrautum á stökum eða mörgum hringum, hversu hratt kemstu upp í ákveðinn hraða, hversu lengi geturðu þraukað á meðan flaugin fer sí hraðar og orrustum þar sem snýst um að safna stigum með því að hæfa eða eyða andstæðingum.
Það er stór munur á 2048 og HD/Fury hvernig leikurinn spilast í einspilun þar sem það snýst um að komast áfram og aflæsa næstu brautir og þrautir. Í 2048 er lágmark sem maður þarf að ná til þess að komast áfram en í hinum eru það topp þrjú sætin sem gilda og þar er hægt að stilla um erfiðleikastig sem er ekki hægt í 2048. Stundum er ansi erfitt að ná lágmarkinu í 2048 en fyrir þá sem vita hvað þeir eru að gera er millistillingin góð. Þar kemur eiginlega eini mínusinn hvað varðar endurtekningar. Erfiðleikastigið á bara við um gervigreind tölvunnar þegar hún kemur við sögu, annars breytist bara skilyrðin til þess að ná bronsi, silfri og gulli. Þannig ef maður nær topptíma í léttasta sem er jafnvel undir tímanum sem er fyrir erfiðasta þá þarf maður að velja það erfiðleikastig og reyna aftur. Svo er skondið að sjá að tölvan segir að það besta sem ég hef náð í kappakstri sé kannski gull í millistigi en í raun er það brons í erfiðasta því þessi leikur er ekkert lamb að leika sér við á köflum.
Wipeout leikirnir hafa alltaf verið krefjandi og spilarinn þarf að læra á brautirnar ásamt hinar mismunandi flaugir sem hægt er að velja úr um sem hafa sína kosti og galla. En það er líka einmitt það sem gerir leikinn svo ánægjulegan að þegar maður loksins nær fyrsta sæti í erfiðasta eða jafnvel bara lágmarkinu til að aflæsa næstu þrautir. Spilarinn byrjar á hægum hraðflokki og vinnur sig jafnt og þétt upp í hraða og erfiðleika. Að mínu mati þá er 2048 erfiðasti af þeim og Fury er kannski auðveldari en HD. Ég hafði aldrei spilað 2048 áður og að sjá brautir inn í borgum var eitthvað sem ég bjóst ekki við og ekki hjálpar að brautirnar eru afar ruglingslegar.
Þar sem þetta safn skín er með grafíkinni og hefur Wipeout aldrei litið eins vel út.
Þar sem þetta safn skín er með grafíkinni og hefur Wipeout aldrei litið eins vel út. Leikurinn gengur á 60 römmum á sekúndum og er í 1080p upplausn á PS4 og 4K á PS4 Pro. Margir eflaust velta fyrir sér hvort það sé þess virði að kaupa þetta safn ef maður átti þessa leiki áður og svarið er já því leikirnir eru gullfallegir ásamt því að það er ekkert lagg í spilun sem er blessun þegar kemur að svona leikjum.
Fyrir Wipeout aðdáendur þá er þetta klárlega skyldukaup og er hann frekar ódýr miðað við að þetta eru tæknilega þrír leikir ásamt því að það er hægt að spila tveir í stofu eða fjölspilun á netinu.
Það er frekar tómlegt að vera með enga tónlist því hljóðheimurinn er ekkert voða spennandi þannig að ég mæli með að hafa tónlistina á þegar leikurinn er spilaður. Tónlistin hjálpar manni að koma manni í gírinn og passar við hraðann sem leikurinn hefur upp á að bjóða. Það er fullt af lögum úr fyrri leikjum í seríunni og allt gott að segja um það nema hvað ég varð mjög fljótt þreyttur á þeim. Og þar kemur Spotify sterkt inn, það eru nokkrir Wipeout listar sem er hægt að velja um. Ég varð fljótt þreyttur á þeim og setti bara teknó frá tíunda áratugnum og það var algjör snilld. Svo var ég að uppgötva að það er hægt að finna frumsömdu tónlistina frá fyrstu tveim leikjunum í seríunni. Tim Wright gerði frumsömdu tónlistina fyrir Wipeout og Wipeout 2097 undir nafninu CoLD SToRAGE. Til þess að finna hans tónlist þarf að leita af “cold storage” og þá ættu tvær plötur með heitinu Slipstream að vera þarna sjáanlegar. Njótið!
Fyrir Wipeout aðdáendur þá er þetta klárlega skyldukaup og er hann frekar ódýr miðað við að þetta eru tæknilega þrír leikir ásamt því að það er hægt að spila tveir í stofu eða fjölspilun á netinu. Fyrir aðra er erfiðara að svara um hvort þetta sé eitthvað sem spilarinn sækist eftir. Það má þess geta að ef hann er keyptur á stafrænu formi þá fylgir eitt lið, Van-Über, í viðbót við flaugaflóruna.
Þú hefur kannski áhuga á þessu...
Ragnarök Kratos mæta á PC →
PlayStation 5 Pro væntanleg í nóvember →
Phantom Spark er kominn út →
