Leikjafyrirtækið Psyonix hefur verið að standa sig vel í því að gefa út fríar viðbætur fyrir Rocket League leikinn en þeir hafa núna kynnt nýja viðbót sem mun koma í september. Þessi viðbót ber nafnið Rumble og í henni verður boðið upp á nýjan leikstíl þar sem spilarar geta náð í power-ups sem gefa þeim allskonar eiginleika sem munu hafa mikil áhrif á leikinn, t.d. boxhanska sem kýlir andstæðinginn eða gadda sem festa boltann við bílinn þinn.
Best er að sjá kynningarmyndbandið frá Psyonix til að átta sig á hversu magnað þetta mun vera. Haldið áfram að lesa eftir myndbandið til að sjá lista yfir hvaða power-ups verða í boði.
- The Boot (Sparkar í bíl andstæðings)
- Disruptor (Andstæðingur missir stjórn á bílnum sínum)
- Freezer (Frystir boltann)
- Grappling Hook (Togar þig í átt að boltanum)
- Haymaker (Kýlir boltann)
- Magnetizer (Dregur boltann að bílnum þínum)
- Plunger (Grípur boltann með drullusokki)
- Power Hitter (Leyfir þér að klessa á allt með meira afli)
- Spike (Festir boltann við bílinn)
- Swapper (skiptir um staðsetningu á þér og andstæðingnum)
- Tornado (Dregur bolta og andstæðing inn í hvirfilbyl)