Leikjafyrirtækið Irrational Games hættir starfsemi

Irrational Games, leikjafyrirtækið á bakvið hina geysivinsælu BioShock leikjaseríu, hefur ákveðið að hætta starfsemi. Þessi ákvörðun kemur eflaust mörgum á óvart þar sem Bioshock hefur notið mikillar velgengni. Í yfirlýsingu sem Ken Levine, einn af stofnendum fyrirtækisins, sendi frá sér í dag, segist hann vera mjög stoltur af því sem þeir hjá Irrational Games hafi gert en nú vilji hann gera annarskonar leiki, vinna í minni hóp og efla tengsl sín við tölvuleikjaspilara. Síðasta verkefni Irrational Games verður seinni hluti aukapakkans BioShock Infinite: Burial at Sea sem kemur út í næsta mánuði fyrir BioShock Infinite.

Flestir starfsmenn Irrational Games munu missa vinnuna, en 15 starfsmenn fyrirtækisins munu fylgja Levine til leikjafyrirtækisins Take-Two þar sem verður lögð áhersla á gerð niðurhalanlegra og sögudrifna leikja.

Yfirlýsingu Ken Levine í heild sinni.