Nú þegar sumarið er komið, eiga nördar á hættu að lenda í þeim erfiðu aðstæðum að þurfa að spila golf. Hérna eru tíu atriði sem gætu hjálpað til við að gera leikinn skemmtilegri.
- Í stað þess að garga „FORE!“ skal hrópa „may the FORCE be with you“ – „FORCE” þarf að vera hrópað hátt en hávaðastuðull „may the“ og „be with you“ fer eftir geðþótta nördans hverju sinni (stoltustu nördarnir hrópa þó öll orðin jafnhátt).
- Stattu á miðri braut, rífðu þig úr að ofan, búðu þig undir að grípa golfkúlur með munninum og öskraðu „SHO’NUFF” með reglulegu millibili.
- Í sjúkrabílnum (sjá nr. 2) biðuru um heilsu-elexír og ef því er svarað neitandi spyrðu sjúkraliðana hvort að þeir hafi nægilegt magn mana fyrir „full heal”.
- Málaðu kylfurnar bláar eða rauðar, haltu á þeim eins og sverði og öskraðu á golfkúlurnar „training orb; activate!”
- Í hvert sinn sem mótspilarinn nær inn á flöt á undan þér, taktu þér stöðu fyrir framan holuna, sláðu niður kylfunni og öskraðu á hann „You shall not pass!”
- Gríptu golf tí með þumal- og vísifingri og leitaðu á bak við tré og runna. Þegar einhver spyr hvað þú sért að gera, hrekkurðu í kút og segir „pínulitlu vampírurnar, þær eru hérna einhvers staðar!”
- Ef kúlan lendir í sandgryfju, potaðu í hana nokkrum sinnum með kylfunni og muldraðu eitthvað um að maður sé aldrei of varkár þegar um sandorma er að ræða.
- Ef þú ert spurður hvers vegna þú notir ekki tré segðu að það megi kalla þig Járnmanninn.
- Þegar einhver æpir „fugl” skimaðu þá í kringum þig skelfingu lostinn og segðu „hversu reiður?”
- Þegar einhver segist ætla nota „Wedge”, segðu þá „Antilles?” og hlæðu eins og brjálæðingur.
Eitthvað fleira sem ykkur dettur í hug?
Endilega látið vaða.
Mynd: SpikeTV auglýsing