W.I.L.D. fáanlegur í Appstore

Í leiknum W.I.L.D.frá íslenska leikjafyrirtækinu Mind Games notar spilarinn hugarorku til að ná stjórn á mismunandi draumum. Með góðri einbeitingu getur spilarinn náð að slökkva elda, beygt skeiðar og skapað nýja heima með hugarorkunni einni, en með því að spila leikinn þjálfar spilarinn slökun og einbeitingu sem nýtast honum innan sem utan leikjaheimsins.

Eins og áður sagði er leiknum stjórnað með hugarorku og þarf því að tengja PLX Xwave, sem er sérstakt höfuðtól sem skynar heilabylgjur, við iPhone eða iPad til að spila leikinn.

MindGames sendi frá sér stutt myndskeið þar sem sést hvernig leikurinn virkar.