Kjóstu nördalegasta flúrið!
Síðastliðnar fimm vikur hefur Nörd Norðursins í samstarfi við húðflúrstofuna Bleksmiðjuna hvatt alla sem eru með nördaleg húðflúr til þess að taka þátt í samkeppni um nördalegasta flúr Íslands. Keppnin hefur vakið þónokkra athygli og var meðal annars fjallað um hana í Fréttablaðinu (22. febrúar), úrvarpsþættinum Harmageddon, á Pressunni, Vol.is, eSports.is og víðar.
Nú er komið að næsta hluta keppninnar – AÐ KJÓSA!
Valið á nördalegasta flúri landsins er í ykkar höndum, en alls eru 69 flúr skráð í keppnina. Kosningin fer fram á Facebook síðu Nörd Norðursins og gildir hvert LIKE sem eitt atkvæði. Það er leyfilegt að kjósa fleiri en eitt flúr.
SMELLTU HÉR
TIL AÐ KJÓSA NÖRDALEGASTA FLÚRIÐ!
- 1. SÆTI (kosið af almenningi): 25.000 kr. inneign upp í flúr hjá BLEKSMIÐJUNNI og titilinn NÖRDALEGASTA FLÚR ÍSLANDS.
- 2. SÆTI (valið af dómnefnd): 10.000 kr. inneign upp í flúr hjá BLEKSMIÐJUNNI.
Það flúr sem er með flest atkvæði kl. 23:59 fimmtudaginn 29. mars 2012 lendir í fyrsta sæti. Annað sæti er síðan valið af dómnefnd (Nörd Norðursins og Bleksmiðjan).
– BÞJ
Þú hefur kannski áhuga á þessu...
Lesendur velja It Takes Two sem leik ársins 2021 →
„Virðum vilja gamera!“ – Frambjóðendur sem tölvuleikjaspilarar →
Leikjavarpið #26 – Ratchet & Clank, Steam Deck og Activision Blizzard kæran →
