Aaru’s Awakening lendir á Steam 24. febrúar 2015
Tölvuleikurinn Aaru’s Awakening frá íslenska leikjafyrirtækinu Lumenox Games er væntanlegur á Steam leikjaverslunina 24. febrúar næstkomandi. Leikurinn mun virka á Windows, Mac og Linux. Leikurinn verður á 15% afslætti fyrstu vikuna á Steam. Þetta kemur fram í fréttatilkynningu frá fyrirtækinu.
Aaru’s Awakening er hraðskreiður 2D hasar- og þrautaleikur í handgerðum liststíl sem hefur verið í þróun síðan 2012. Upphaflega stóð til að leikurinn kæmi út árið 2013 en útgáfudegi hefur verið frestað nokkrum sinnum síðan þá. Líkt og við greindum frá í fyrra þá er leikurinn væntanlegur á PlayStation 3 og PlayStation 4 leikjatölvurnar – enginn útgáfudagur er þó kominn fyrir PS útgáfuna.
Ný stikla var birt samhliða fréttatilkynningu sem má sjá hér fyrir neðan.
Ný stikla úr Aaru’s Awakening
Höfundur er Bjarki Þór Jónsson,
ritstjóri
Þú hefur kannski áhuga á þessu...
Íslenski partýleikurinn YamaYama lentur á PS4 og Steam →
Þetta eru íslensku leikirnir sem eru tilnefndir til NGA 2016 →
YamaYama fær grænt ljós á Steam Greenlight →
