Allt það helsta frá EVE Fanfest 2014
Hin árlega EVE aðdáendahátíð fór fram í Hörpu dagana 1.-3. maí. Um 3.000 manns sótti hátíðina og þar af voru 1.500 erlendir gestir. Elmar Víðir, Kristinn Ólafur og Bjarki Þór hjá Nörd Norðursins voru á staðnum og tóku saman það helsta frá hátíðinni.
Fortíð, nútíð og framtíð EVE: Valkyrie
CCP tilkynnti að leikurinn myndi keyra á nýju Unreal 4 grafíkvélinni. Í leiknum leikur maður flugmann í sveit fyrstu valkyrjunnar Ránar. Þegar valkyrjuflugmenn deyja eru þeir endurlífgaðir gegnum klónun og geta því barist að eilífu. Til að byrja með er hægt að fljúga þremur mismunandi tegundum geimskipa: Fighter, Heavy og Support. Engin önnur en Katee Sackhoff („Starbuck“ úr Battlestar Galactica) mun ljá Rán rödd sína í leiknum. Leikurinn verður fáanlegur í sýndarveruleikagleraugum Oculus Rift og Project Morpheus fyrir PlayStation 4.
:: Lesa meira >>
Skotleikur í anda DUST 514 væntanlegur á PC
Leikurinn „Project Legion“ var kynntur en það er nafn á nýjum leik sem CCP vinnur að um þessar mundir. Leikurinn byggir á grunni DUST 514 en verður gefinn út á PC-tölvur, ólíkt DUST 514 sem er eingöngu fáanlegur á PS3. Aukið frelsi felst í því að gefa leikinn út á PC að mati CCP . Hér er hægt að horfa á stutt myndbrot úr „Project Legion“.
:: Lesa meira >>
EVE Online fær 10 uppfærslur á ári
EVE Online hefur vanalega verið að fá tvær uppfærslur á ári, en á hátíðinni var tilkynnt að stefnt er að því að gefa út 10 uppfærslur á ári næstu 10 árin. Uppfærslurnar fá nöfn grísku guðanna og sú fyrsta fær nafnið Kronos og verður gefinn út þann 3. júní. Sú uppfærsla verður frekar stór og með miklu efni. Eftir þá uppfærslu verða uppfærslur gefnar út á u.þ.b. 6 vikna fresti. Þetta þýðir að CCP geti lagt meiri metnað í uppfærslurnar og auðvelda þeim að laga nauðsynlega hluti.
:: Lesa meira >>
EVE á frönsku og meira af EVE varningi væntanlegur
CCP Presents hefur ávallt verið mest spennandi fyrirlesturinn á EVE Fanfest síðast liðin ár. Á kynningunni hafa framleiðendur, markaðsmenn og hönnuðir CCP sýnt hvað er framundan hjá fyrirtækinu, og þar með gefið aðdáendum sínum smá forsmekk af því sem koma skal á komandi mánuðum og árum. Meðal þess sem kom fram var að EVE Online mun vera aðgengilegur á frönsku síðar á þessu ári. Einnig er ýmiskonar EVE varningur væntanlegur í verslanir og má þar meðal annars nefna teiknimyndasögurnar True Stories og endurútgáfu EVE: Source – Limited Edition sem var upphaflega prentuð í 1.400 eintökum. EVE Fanfest 2015 verður haldið helgina 19.-21. mars, og var dagsetningin ákveðin út frá því að þann 20. mars munu hátíðargestir (og allir Íslendingar) eiga möguleika á að sjá sólmyrkva ef veður leyfir.
:: Lesa meira >>
Nýtt myndband – The Prophecy
Myndir frá hátíðinni
Þú hefur kannski áhuga á þessu...
Leikjavarpið #26 – Ratchet & Clank, Steam Deck og Activision Blizzard kæran →
Ring Fit áskorun í febrúar! →
Leikjavarpið #20 – Væntanlegir leikir 2021, Indiana Jones og Star Wars →
