Fyrsti íslenski tölvuleikurinn kominn á safn
Síðastliðinn föstudag, 11. október 2013, afhenti Bjarki Þór Jónsson, ritstjóri Nörd Norðursins, Landsbókasafni Íslands tvö eintök af tölvuleiknum Sjóorrusta. Leikurinn er frá árinu 1986 og á gagnakassettu fyrir Sinclair Spectrum tölvur. Talið er að Sjóorrusta sé fyrsti íslenski útgefni tölvuleikurinn, en það voru feðgarnir Erlingur Örn Jónsson og Jón Erlings Jónsson sem hönnuðu og forrituðu leikinn á sínum tíma.
Bjarki vinnur um þessar mundir í verkefni sem ber heitið Upphaf, þróun og varðveisla íslenskra tölvuleikja sem gengur út á að varðveita gögn og upplýsingar sem snerta sögu íslenskra tölvuleikja.
Sýningin Einkaútgáfur, örforlög og annarskonar miðlun frá 1977 til samtímans stendur yfi í Landsbókasafni Íslands þar sem eintak af leiknum er til sýnis.
Skjáskot úr leiknum
Mynd: Landsbókasafn Íslands / -EJ
Þú hefur kannski áhuga á þessu...
Island of Winds demó á Steam →
Sýnishorn úr Island of Winds á Xbox leikjakynningu →
Tröll og íslensk náttúra í nýrri stiklu úr Island of Winds →
