Nokkrar góðar Batman myndasögur
Nú fer nýjasti Arkham leikurinn að lenda á fimmtudaginn næstkomandi og því fannst mér við hæfi að gera lista yfir nokkrar góðar Batman myndasögur. Ég tek fram að þetta er með engu móti topplisti einungis samansafn af góðum sögum.
Batman Arkham Asylum – A Serious Place on Serious Earth
Bókin sem gerði Grant Morrison að stjörnu. Bókin fjallar um brjálæðina innan veggja Arkham geðveikrahælisins og veltir fyrir sér hvort Batman eigi ekki frekar heima innan veggja Arkham frekar en utan. Mjög súrrealísk saga með enn súrari teikningum, sem gerir hana frábæra.
Batman Year One
Saga sem snýst um fyrsta ár Bruce Wayne sem Batman og hvernig hann verður að goðsögn. Sagan fjallar einnig um ungann James Gordon. Sagan er að mestu leyti ekki „canon“ lengur en hún er samt meistaraverk sem er skyldulestur fyrir alla Batman aðdáendur.
Batman Zero Year
Ný útgáfa upprunasögu Batman frá hinum frábæra höfundi Scott Snyder. Hér er sýnt enn og aftur hvernig Bruce Wayne verður að Batman en einnig er tekinn fyrir uppruni Joker og The Riddler. Tek fram að þessi saga er núna í gangi í Batman tölublöðum þannig að hún er ekki komin út sem innbundin bók.
Batman Hush
Hush er sería sem var skrifuð af Jeph Loeb og teiknuð af Jim Lee árin 2002-2003. Sagan fylgir Batman þar sem hann klæst við hinn dularfulla Hush sem virðist vita margt um fortíð hins fyrrnefnda. Mikið er fjallað um samband Batman og Catwoman í þessari sögu en einnig koma fyrir margir aðrir óvinir hins myrka riddara.
Batman The Long Halloween
Önnur saga eftir Jeph Loeb sem kom út töluvert fyrr en Hush. Bókin var fyrst gefin út í 11 tölublöðum. Þessi saga er í rauninni drungaleg morðráðgáta þar sem minna er fjallað um ofurhetjuna Batman og meira um snilldargáfu hans við að leysa gátur. Frábær saga fyrir byrjendur í Batman því hún gerist tiltölulega snemma í ferli hans.
Batman The Black Mirror
Saga sem fjallar aðallega um James Gordon og ein af frumraunum Scott Snyder í Batman heiminn. Sagan er ólík öðrum að því leyti að Bruce Wayne er ekki Batman heldur er fyrrum Robin, Dick Grayson, Batman í hans stað. Sagan fjallar um endurkomu James Gordon Jr. og ringulreiðina sem hún veldur.
Batman The Court of Owls
Þar sem The Black Mirror var frumraun Scott Snyder í Batman heiminn var The Court of Owls frumraun hans í sjálf titilblöð Batman. Sagan fjallar um myrka fortíð Gotham borgar og hverjir stjórna borginni í alvörunni. Þetta er fyrsta sagan eftir að DC endurræsti heim sinn með the New 52 en hún heldur samt í flest sem gerir Batman frábæran karakter.
The Dark Knight Returns
Talin vera með bestu Batman sagna allra tíma og hún á það sannarlega skilið. Sagan gerist í heimi sem er ekki tengdur „venjulega“ Batman heiminum þar sem Bruce Wayne er orðinn gamall lúinn maður. Hann tekur upp á því að berjast við glæpamenn aftur og þá aðallega gengi sem kallar sig the Mutants. Fleri karakterar á borð við Oliver Queen og Superman koma við sögu og einnig nýr Robin.
The Killing Joke
Batman saga eftir Alan Moore um baráttu Leðurblökumannsins við Grínistann (Joker). Sagan er um uppruna Jokersins en einnig um hvernig Barbara Gordon varð Oracle. Ein af þekktustu atriðum Batman gerist í þessari sögu þegar Batman og Jokerinn hlæja saman. Skyldulestur.
Batman Knightfall
Saga sem kynnir Bane, aðal óvin Batman í nýju The Dark Knight Rises, og fjallar um hvernig Bane nær að brjóta leðurblökuna rétt eins og í myndinni. Sagan var skrifuð af pennum á borð við Chuck Dixon, Jo Duffy og Dennis O’Neill.
Höfundur er Skúli Þór Árnason,
menntaskólanemi.
Þú hefur kannski áhuga á þessu...
Í skugga leðurblökunnar →
WB gefa út Gotham Knights útgáfu kitlu →
Leikjarýni: Spider-Man – Einn af betri leikjum ársins →
